ಕಡೆಗೂ ಇಡೀ ಸಿನಿಜಗತ್ತೇ ತುದಿಗಾಲಿನಲ್ಲಿ ಕಾದುಕುಳಿತಿದ್ದ ಆ ಕ್ಷಣ ಬಂದೇ ಬಿಟ್ಟಿದೆ.
ಕಿಚ್ಚ ಸುದೀಪ್ ಹಾಗೂ ಅನೂಪ್ ಭಂಡಾರಿ ಕಾಂಬಿನೇಷನ್ ನಲ್ಲಿ ಮೂಡಿಬರುತ್ತಿರುವ ಪ್ಯಾನ್ ವರ್ಲ್ಡ್ ಚಿತ್ರ ಫ್ಯಾಂಟಮ್ ಈಗ ವಿಕ್ರಾಂತ್ ರೋಣ ಆಗಿ ಬದಲಾಗಿದೆ.
ಅಲ್ಲದೇ ಚಿತ್ರತಂಡ ಚಿತ್ರದ ಟೈಟಲ್ ಲೋಗೋ ಹಾಗೂ ಮೂರು ನಿಮಿಷದ ಝಲಕ್ ನ್ನು ಬುರ್ಜ್ ಖಲಿಫಾದಲ್ಲಿ ಬಿಡುಗಡೆ ಮಾಡಲಿದೆ.
ಹಾಗೂ ಈ ಸಾಧನೆ ಮಾಡಿದ ವಿಶ್ವದ ಮೊದಲ ಚಿತ್ರವಾಗಿದೆ.
ಕನ್ನಡಿಗರು ಮಾತ್ರವಲ್ಲದೇ, ಇಡೀ ಭಾರತೀಯರು ಹೆಮ್ಮೆ ಪಡಲೇಬೇಕಾದ ವಿಚಾರ ಏಕೆಂದರೆ ಜಾಗತಿಕವಾಗಿ ಕನ್ನಡ ಚಿತ್ರವೊಂದು ಇಂತಹ ಮಹೋನ್ನತ ಸಾಧನೆ ಮಾಡಿರೋದು ಸಣ್ಣ ವಿಚಾರವಲ್ಲ.
ಕೇವಲ ಶಾರುಖ್ ಖಾನ್ ಜನ್ಮದಿನದ ವಿಶ್ ಗಷ್ಟೇ ಮೀಸಲಾಗಿದ್ದ ಬುರ್ಜ್ ಖಲೀಫಾದಲ್ಲಿ ಕನ್ನಡ ಬಾದ್ ಶಾ ಕಿಚ್ಚ ಸುದೀಪ್ ಕನ್ನಡ ಬಾವುಟವನ್ನು ಪ್ರಪಂಚದ ಅತ್ಯಂತ ಎತ್ತರದ ಕಟ್ಟಡದಲ್ಲಿ ಇದೇ ಜನವರಿ 31ರಂದು ನೆಡೋದನ್ನು ನೋಡಲು ಜಗತ್ತಿನಾದ್ಯಂತ ಕನ್ನಡಿಗರು ಕಾತರರಾಗಿದ್ದಾರೆ.
ಕಿಚ್ಚ ಸುದೀಪ್ ಹಾಗೂ ಅನೂಪ್ ಭಂಡಾರಿ ಕಾಂಬಿನೇಷನ್ ನಲ್ಲಿ ಮೂಡಿಬಂದಿರುವ ವಿಕ್ರಾಂತ್ ರೋಣ ಚಿತ್ರ ಈಗಾಗಲೇ ಪ್ಯಾನ್ ವರ್ಲ್ಡ್ ಚಿತ್ರವಾಗಿ ವಿಶ್ವಾದ್ಯಂತ ಸಿನಿಜಗತ್ತಿನಲ್ಲಿ ಹೊಸ ಅಲೆಯನ್ನು ಸೃಷ್ಟಿಸಲು ಸಿದ್ಧವಾಗಿದೆ.
ಚಿತ್ರಕ್ಕೆ ಜಾಕ್ ಮಂಜುನಾಥ್ ಗೌಡ ನಿರ್ಮಾಪಕರಾಗಿದ್ದರೆ, ಅಲಂಕಾರ್ ಪಾಂಡಿಯನ್ ಸಹ ನಿರ್ಮಾಪಕರಾಗಿದ್ದಾರೆ.
ಚಿತ್ರಕ್ಕೆ ಅಜನೀಶ್ ಲೋಕನಾಥ್ ರವರ ನೆಕ್ಸ್ಟ್ ಲೆವೆಲ್ ಮ್ಯೂಸಿಕ್ ಚಿತ್ರಕ್ಕಿದ್ದು.
ಇದೇ ಜನವರಿ 31ಕ್ಕೆ ಎಲ್ಲಾ ಕನ್ನಡಿಗರು ಮಾತ್ರವಲ್ಲದೇ, ಇಡೀ ಇಂಡಿಯಾದ ಕಣ್ಣು ಬುರ್ಜ್ ಖಲೀಫಾದ ಮೇಲೆ ನೆಟ್ಟಿದೆ.
No comments:
Post a Comment