ಕೇವಲ 2 ವೀಡಿಯೋ ತುಣುಕು ಹಾಗೂ ಪೋಸ್ಟರ್ ಮೂಲಕ ಇಡೀ ಚಿತ್ರ ಜಗತ್ತನ್ನೇ ಕುತೂಹಲದಿಂದ ಕಾಯುವಂತೆ ಮಾಡುತ್ತಿರುವ ಕಿಚ್ಚ ಸುದೀಪ್ ಹಾಗೂ ಅನೂಪ್ ಭಂಡಾರಿ ಕಾಂಬಿನೇಷನ್ ನ ಫ್ಯಾಂಟಮ್ ಚಿತ್ರದ ಅತೀದೊಡ್ಡ ಅಪ್ಡೇಟ್ ನಾಳೆ ಸಂಜೆ 4.03ಕ್ಕೆ ಬಿಡುಗಡೆಯಾಗಲಿದೆ.
ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ನಟನೆಯ ಈ ಚಿತ್ರ ಈಗಾಗಲೇ ಪ್ಯಾನ್ ಇಂಡಿಯಾ ಮಾತ್ರವಲ್ಲದೇ , ಕನ್ನಡ ಚಿತ್ರರಂಗದಿಂದ ಪ್ಯಾನ್ ವರ್ಲ್ಡ್ ಚಿತ್ರವಾಗಿ ಹೊರಹೊಮ್ಮಲು ಸಜ್ಜಾಗಿದೆ.
ಈಗಾಗಲೇ ಅಪ್ಡೇಟ್ ನ ಕುರಿತಂತೆ ಹಲವಾರು ಚರ್ಚೆಗಳು ಪ್ರಾರಂಭವಾಗಿವೆ.
ಅದರಲ್ಲಿ ಕಿಚ್ಚ ಸುದೀಪ್ ರವರಿಗೆ ನಾಯಕಿಯ ಅನೌನ್ಸ್ಮೆಂಟ್ ನಡೆಯಬಹುದು, ಅಥವಾ ಚಿತ್ರದ ಟೈಟಲ್ ನ್ನು ವಿಕ್ರಾಂತ್ ರೋಣ ಎಂದು ಬದಲಾಯಿಸಬಹುದು ಇಲ್ಲವಾದಲ್ಲಿ ಚಿತ್ರದ ಟೀಸರ್ ರಿಲೀಸ್ ಡೇಟನ್ನು ಚಿತ್ರತಂಡ ರಿವೀಲ್ ಮಾಡಬಹುದು ಎಂದು ನಾನಾ ವಿಧವಾಗಿ ಊಹಾಪೋಹಗಳು ಹಾಗೂ ಚರ್ಚೆಗಳು ಪ್ರಾರಂಭವಾಗಿದೆ.
ಅದೆಲ್ಲಾ ಮೀರಿ ಈಗ ಫ್ಯಾಂಟಮ್ ಕೇವಲ ಕರ್ನಾಟಕದಲ್ಲಷ್ಟೇ ಮಾತ್ರವಲ್ಲದೇ ತೆಲುಗು ಹಾಗೂ ಹಿಂದಿ ಚಿತ್ರರಂಗದಲ್ಲಿ ಕೂಡ ಬೇಡಿಕೆಯ ಚಿತ್ರವಾಗಿ ತನ್ನನ್ನು ತಾನು ರೂಪಿಸಿಕೊಂಡಿದೆ.
ಇದೆಲ್ಲ ಜನಪ್ರಿಯತೆ ಹಿಂದಿನ ಮೂಲಶಕ್ತಿ ಕಿಚ್ಚ ಸುದೀಪ್ ಎಂಬ ಆರಡಿ ಕಟೌಟ್.
ಇವರ ನಟನೆಯನ್ನು ಫ್ಯಾಂಟಮ್ ಚಿತ್ರದಲ್ಲಿ ನಿರ್ದೇಶಕ ಅನೂಪ್ ಭಂಡಾರಿ ಪೂರ್ಣ ಪ್ರಮಾಣದಲ್ಲಿ ಬಳಸಿಕೊಂಡು ಒಂದೊಳ್ಳೆ ಪ್ಯಾನ್ ಇಂಡಿಯಾ ಅಲ್ಲಲ್ಲ ಪ್ಯಾನ್ ವರ್ಲ್ಡ್ ಚಿತ್ರದ ನಿರೀಕ್ಷೆಯಲ್ಲಿ ಇದ್ದಾರೆ ಅಭಿಮಾನಿಗಳು, ಸಿನಿರಸಿಕರ.
No comments:
Post a Comment